Lied anhören:

 

Dat Ziegenbocklied:  


Eck tug mal nülich uber Land, juppheidi, juppheida.
Da hürt und süht man allerhand, juppheidi, heida.
Eck ging mal hen na Hauenbeuken
un wolle minen Fründ beseuken.

Juppheidi, un juppheida, juppheidividerallala,
juppheidi, nu juppheida, juppheidiheida.

Düsse Fründ het Hanrich Aste, ...
de harre öfter anen in Baste, ...
Wat geit dat annere Lüe an,
wenn ha den Sluck betalen kann.

Da is doch nülich wat passiert, ...
wuvon dat ganze Dörp all kürt, ...
Harich Voß sein Bock is krank,
hei möckelt all viertein Dage lang.

Hei tug er mi im Dörpe rupp, ...
da smatt dat Siegelär wir upp, ...
Hei gaff em ne Hand vull Zwetschenkern,
dat de Bock seck schall bekehrn.

Hei tug er mi na er Ziegen henn, ...
De Ziegen segt: ,,Wat wutte denn, ...
Mit deck da is ja garnichts laus,
du löppst um meck rümmer un meckerst blaus.“

De Bock de seggt: „Datt willt wie sahn, ...
Diu mösst deck blaus mal rümmerdrahn, ...
Eck will den Spaß nich uberdreiben,
aber son lüjn mött eck deck doch verschreiben.“

Un as de Bock nüi fertig was, …
da leggt hei seck int greune Gras, ...
De Ziegen schnarschelle hinner dur,
se wull so geern nochemal ne Tour.

De Bock de seggt: „dat gifft et nich, ...
dui bist woll reine kollerig, ...
Eck gleuf dui hest vor fufftig Pennig
doch Gott sei dank woll nich tau wennig.“

De Ziegen seggt: „Wenn dui nich wutt, ...
dann gah eck henn nan Sacke rupp, ...
De deit datt vor dat selbe Geld
so oftmals as et meck gefällt.“

De Bock de seggt: ,,Da kannst hen gahn, ...
da sasst de woll noch lange stahn, ...
De Säcker Bock het sülmst seine Naut,
he krigt ja auk blaus eile Brout,“

Ja mit düsser Ziegenwelt, ...
werd seu allerhand uppgestellt, ...
Un wie lange willt noch düern
dann sind we auch wier Ziegenbüern.


Melodie: Frankfurt is ne schöne Stadt
Text: Mündlich überliefert